Erba – Oberwart – Borta – Felsőőr
Biblijoteka ando Kher le flogoskere grupnendar Burgenland
Del tumenca!
Bibliothek im Haus
der Volksgruppen Burgenland
Herzlich willkommen!
Biblioteka u Domu
narodnih grup Gradišće
Dobro došli!
A Népcsoportok Háza Burgenland könyvtára
Szeretettel üdvözöljük!
O medijengero kontingento ando Kher le flogoskere grupnendar Burgenland
Medijengero kontingento la horvacka flogoskera grupnatar
Ando medijengero kontingento o lek barikaneder publikaciji andi burgenlanditiki-horvacki tschib taj pedar o burgenlanditike horvacke del.
O kontingento uso dschene la burgenlanditika horvacka flogoskera grupnatar taj te uso avre manuscha pe irinel, saven interesi upre lengeri tschib, kultura taj historija hi. Jek barikano pharipeskero punkto upri tschavengeri- taj ternengeri literatura paschlol.
Medijengero kontingento la Romengera flogoskera grupnatar
Ando medijengero kontingento o cile barikane kenvi pedar i flogoskeri grupn le Romendar ando Burgenland taj andi Austrija ande hi, taj te o cile publikaciji, save Romendar taj Romnjendar andi Austrija ari dim ule.
O khetan kedipe uso cile flogoskere grupnengere dschene ando andrutno taj avrutno vilago pe irinel, taj te uso avre manuscha, saven interesi upre Romengere-tematscha hi.
Medijengero kontingento la ungrika flogoskera grupnatar
Ando kontingento amara biblijotekatar buteder sar 8.000 kenvi taj datschakere ledschaschtscha hi (CDs, DVDs). Ando kontingento butvar lokali historischi verktscha, visenschoftlichi fochiskeri literatura taj te loschanipeskeri- taj phukajipeskeri literatura del.
Barikanipe paschlaras upri tschavengeri- taj ternengeri literatura. Amare bulhe khetan kedipeha ischkolakere kenvijendar, le ungrike sikajipeske ando burgenlanditike ischkoli pomoschinas. Amaro farajn o jekoschno ardijaschi hi, saveskere ungrike ischkolakere kenvi usi austritiki ischkolakeri kenvakeri lista use mukle hi.
PEDAR AMENDE
I biblijoteka le flogoskere grupnendar ojs informacijakero- taj dokumentacijonakero centrum la literaturake taj le medijenge pedar o flogoskere grupn ando Burgenland pe hajol. Ojs schpecijali biblijoteka pradime karateriha, irinel pe i biblijoteka use mindenfelitike ciliskere grupn: Dschene le flogoskere grupnendar ando andrutno- taj avrutno vilago, dschene, saven interesi upre flogoskere grupnengere tematscha hi taj igen barikano uso tschave taj terne, kaj lengere tschibtschakere siklipeske pomoschim te ol. Pasche, o dipe la biblijotekatar te use visenschoftlichi khetaniptscha pe irinel, regijonali taj te internacijonali.
Trin farajntscha taj trin flogoskere grupn aja biblijoteka keren :*
-
Horvacko Kulturakero Farajn ando Burgenland
-
Roma-Service
-
Burgenlanditiko-Ungriko Kulturakero Farajn
Akan i biblijoteka meg ande lakeri kesdipeskeri buti hi taj o trin kojengero ulajipe meg esbe te lel hi. La cajtaha, o diptscha le jekoschne farajntschendar use jek biblijoteka jeke katalogiha, jeke dipeha taj jeka organisacijonaha khetan te bartschon.
*O redo le flogoskere grupnendar palo „KRU“-princip sikado ol: Kroaten (Horvacke), Roma (Roma), Ungarn (Ungrike).
2026
pradipe
val. 9.000
kenvi
4
tschibtscha
AMARE DIJANSTSCHA
Skenipe
Aunmejdinipe
Ungriki flogoskeri grupn:
Dschene, save uso BUKV use hi, automatischi andi biblijoteka and pisim hi; afka te kursiskere dschene, dschimeg o kurs ar nan.
Le cile avrenge:
Le andpisinpeske tschak jek dschenengero legitimacijonakero papruschi tumenge pekal.
Ternenge, telal 14 berscha, meg te jek telalpisinipe la dajatar vaj le dadestar pekamlo hi.
Duripe: 1 bersch
Pedar amende:
Le dschenenge te jek skeneri del, saveha on, skeniniptscha schaj keren, savenge nischta te potschinel nan.
Getschen lipe
Pedar amende :
Kenvi duj kurke getschen lim schaj on. Ada te le avre medijenge hi sar papruschengere neviptscha, CDs vaj DVDs.
Te le erscht palo duj kurke pal dim on, akor jek potschintschago aun perel (50 Cent sakone butjakere diveseske).
Molinas tumen, pisinen jek elektrischi lil, tumare mediji dureder te likerel. Tumen schaj tumare mediji dujvar dureder likeren.
Ischkoli
Ungriki flogoskeri grupn:
Andi biblijoteka la ungrika flogoskera grupnake jek siklipeskero kenvakero khetan kedipe del, save meschterkijendar taj meschterendar lengere ischkolaschkijenge taj ischkolaschtschenge lim schaj on.
O dijanstakere koji le flogoskere grupnendar mindenfelitike schaj on. Uso dikipe pedar o dijanstscha la biblijotekatar, laken tumen koji, upre saj flogoskeri grupn o jekoschno dipe pal dschal.
KAJ AMEN SAM
Phutschajiptscha
Kontakto
HET-TSCHET: 14:00-16:00
vaj pal arkeripe
BURGENLANDITIKE HORVACKE
BURGENLANDITIKE ROMA
BURGENLANDITIKE UNGRIKE
Adresa
Haus der Volksgruppen Burgenland / Kher le flogoskere grupnendar Burgenland
Schulgasse 33
A-7400 Oberwart/Erba